Uf de schwäb'sche Eisebahne gibt's gar viele Haltstatione:
Schtuagart, Ulm, and Biberach,Mekkebeure, Durlesbach.
Trulla, trulla, trulla-la,trulla, trulla. trulla-la,
Schtuagart, Ulm, and Biberach, Mekkebeure, Durlesbach.

Uf de schwäb'sche Eisebahne gibt's au viele Restratione,
wo mer ess' und trinka ka',älles, was der Maga mag.
Trulla, trulla, trulla-la, trulla, trulla. trulla-la,
wo mer ess' und trinka ka', älles, was der Maga mag.

Uf de schwäb'sche Eisebahne dürfet Küh' und Ochse fahre.
Buebe, Mädle, Weib, und Ma, kurzum älls, was zahla ka.
Trulla, trulla, trulla-la, trulla, trulla. trulla-la,
Buebe, Mädle, Weib, und Ma, kurzum älls, was zahla ka.

Wenn e Glöckle tut erklinge, tän glei älle z'samma springe.
Älles, was e Karte hot, möcht jetzt mit dem Bahnzug fort.
Trulla, trulla, trulla-la, trulla, trulla. trulla-la,
Älles, was e Karte hot, möcht jetzt mit dem Bahnzug fort.

Männer, die im G'sicht ganz bärtig, schreiet laut: “Jetzt ist es fertig”
Springet in die Wage nei, machet Löchle in d'Karte nei.
Trulla, trulla, trulla-la, trulla, trulla. trulla-la,
Springet in die Wage nei, machet Löchle in d'Karte nei.

Uf de schwäb'sche Eisebahne wollt emol e Bäuerle fahre,
geht an d'kass' und lupft de Hut: "E Billettle, send so gut!"
Trulla, trulla, trulla-la, trulla, trulla. trulla-la,
geht an d'kass' und lupft de Hut: "E Billettle, send so gut!"

Einen Bock hat er gekaufet und daß er ihm net entlaufet,
bindet ihn der gute Ma, hinte an de Wage na.
Trulla, trulla, trulla-la, trulla, trulla. trulla-la,
bindet ihn der gute Ma, hinte an de Wage na.

"Böckle, tu no wacher springe. z'fresse werd i dir scho bringe."
Also schwätz der gut Ma', zündt' sei Maserpfeifle a'.
Trulla, trulla, trulla-la, trulla, trulla. trulla-la,
Also schwätz der gut Ma', zündt' sei Maserpfeifle a'.

Als der Zug no wieder staut, d'r Bauer noch sei'm Böckle schaut,
find't er bloß no Kopf und Seil an dem hintre Wageteil.
Trulla, trulla, trulla-la, trulla, trulla. trulla-la,
find't er bloß no Kopf und Seil an dem hintre Wageteil.

‘s packt de Baure a Baurezore, nimmt die Geißbock bei de Hore,
schmeißt en, was er schmeiße ka, dem Kondukteur an d' Aura na.
Trulla, trulla, trulla-la, trulla, trulla. trulla-la,
schmeißt en, was er schmeiße ka, dem Kondukteur an d' Aura na.

Des isch des Lied von sellem Baure, der de Geißbock hat verlaure.
Geißbock und sei traurigs Ende': Himmel Schtuegart Sapperment.
Trulla, trulla, trulla-la, trulla, trulla. trulla-la,
Geißbock und sei traurigs Ende': Himmel Schtuegart Sapperment

So jetzt wär des Liedle g'songe, hot's euch reacht in d'Aure klonge,
stoßet mit de Gläser a', ufs Wohl der schwäb'sche Eise'bah'.
Trulla, trulla, trulla-la, trulla, trulla. trulla-la,
stoßet mit de Gläser a', ufs Wohl der schwäb'sche Eise'bah'.